A Xunta achegará 210.000 euros para a rehabilitación e a reforma enerxética dos Xulgados de Noia

Alfonso Rueda, vicepresidente primeiro da Xunta, visitou Noia na mañá deste luns 21 de febreiro, co obxectivo de informar traballos para rehabilitar e mellorar enerxeticamente o edificio dos Xulgados locais, un proxecto incluído no Plan Especial de Protección e reforma interior do centro histórico de Noia. Rueda aproveitou a súa estadía na vila para avanzar que o Goberno galego vai destinar aos ditos traballos unha contía de 210.000. Tamén dixo que as obras terán unha duración de tres meses. “Permitirán mellorar a cualificación enerxética do edificio xudicial e acadar os niveis axeitados de iluminación e illamento térmico”, engadiu.

Alfonso Rueda estivo acompañado pola xuíza decana de Noia, Lorena Tallón; o delegado do Colexio de Avogados de Coruña, Manuel Blanco-Ons; o decano do Colexio de Procuradores de Santiago, Fernando González-Concheiro; o director xeral de Xustiza, Juan José Martín e o alcalde de Noia, Santiago Abeijón.

Os traballos, máis en detalle

Serán retiradas as carpintarías existentes e substituiranse por unhas novas de castiñeiro laminado e vidro illante, a porta de madeira do acceso principal será restaurada así como as dúas dos balcóns. Será substituída a cuberta, incluídas carpintarías Velux, e mudarase tamén a iluminación. “Trátase”, dixo Rueda, “du paso máis na aposta firme e decidida por dotar aos profesionais e aos cidadáns dos mellores medios materiais ao seu servizo: tanto no punto de vista das infraestruturas xudiciais como no das novas tecnoloxías, rematou o vicepresidente da Xunta”.