A Asociación de Empresarios de Ribeira prosegue este mes de febreiro co seu incansábel labor de revitalización do tecido comercial. Na axenda da patronal figura unha nova campaña, a campaña Días Tolos, que permitirá á cidadanía atopar grandes oportunidades nos establecementos locais e que obsequiará a súa fidelidade con importantes premios. A asociación confirmou a participación de máis de 30 establecementos.
A patronal explica que cada tícket de compra dos comercios participantes dos días 18 e 19 de febreiro dará dereito a unha tirada na ruleta da campaña Días Tolos, na que serán sorteados máis de 1.000€ en premios.
Para dinamizar as rúas contarase ca actuación do circo Krasnovarak o sábado 19 de febreiro ás 18.00 horas.
