A asociación empresarial Noia Histórica levou a cabo o sorteo da súa Campaña de Nadal, unha iniciativa que serviu (máis ca nunca no medio da adversidade da COVID) para pechar fileiras arredor do comercio local e das moitas vantaxes de mercar en proximidade, ao tempo que se recompensou a fidelidade da cidadanía aos seus comercios. A patronal, que vai repartir 4.000 euros ao abeiro desta campaña, compartiu na Rede a relación de números premiados, convidando ás persoas que posúan algún dos números que se inclúen na lista se poñan en contacto coa asociación a través do 981 824 764 a partires do venres 14 de xaneiro.
