A Concellería de Comercio, que dirixe Laura Salgado, informou dunha actuación no centro histórico da vila encamiñada a mellorar o tránsito e a seguridade na rúa Carnicería. En concreto, os días pasados instalouse un punto de luz a instancias dunha petición da asociación empresarial e comercial Noia Historica.
Segundo informou o Concello, era moi urxente mellorar a visibilidade neste treito de rúa, xa que, polas súas condicións e o seu trazado estreito, requiría de elementos que compensasen a ausencia de luz natural e artificial. O Goberno local anunciou que nas vindeiras semanas “proseguirase co reforzo do alumeado na Alameda e en diversos puntos da zona histórica”.
