O Concello de Noia viuse obrigado a facer cambios sobre o programa de actividades relacionadas coa visita dos Reis Magos ao termo municipal, este 5 de xaneiro.
Así, explican, “debido ás previsións de choiva que dan para a mañá deste mércores, 5 de xaneiro, lamentamos ter que anunciar que queda suspendido o percorrido das Súas Maxestades os Reis Magos de Oriente polas parroquias do Concello”, informaron dende o Consistorio, engadindo que o que si se mantén foi a recepción aos Reis Magos no claustro do Concello. Será finalmente ás 16:30 horas. O Goberno noiés fixo un convite a todos os nenos e nenas para que a partir desa hora vaian a visitar aos Reis Magos, a “pedir os últimos regalos e a entregar as súas cartas”.
