Bombeiros, axentes da Policía Local de Rianxo e Garda Civil conformaron o dispositivo que esta mañá despregouse na autovía de Barbanza, á altura de Vilas, onde se produciu un aparatoso accidente.
Un turismo saíuse da calzada pouco antes da nove desta mañá e colidiu contra a mediana, para acabar chocando despois contra os gardarraíles ao lado contrario. As dúas persoas que viaxaban no vehículo resultaron ilesas.
Foi necesario regular o tráfico mentres se retiraba o coche e limpábase o tramo afectado, posto que as pezas que se desprenderon do turismo quedaron esparexidas polos dous carrís en dirección Ribeira e mesmo algunha saltou ata o outro lado da mediana.
