A Escola de Fútbol Municipal de Boiro presentou este mércores a nova equipación dos equipos xunto cos principais patrocinadores, o Concello de Boiro e Jealsa Rianxeira. Á presentación, que se realizou na contorna do edificio das Colonias de Praia Xardín asistiron o tenente de Alcalde, Luís Ruiz, a concelleira de Deportes, Dores Torrado, a directora de Relacións Institucionais de Jealsa, Margarita Hermo, o presidente da EFM, José Enrique Maneiro, e representantes do equipo feminino e as categorías inferiores.
