Rematan en Noia as obras para mellorar a seguridade e a accesibilidade dos pasos de peóns das rúas Sartaña e de Galicia

Esta semana remataron finalmente as obras destinadas a mellorar os pasos de peóns da rúa Sartaña e a rúa de Galicia, en Noia, unhas actuacións que permitiron mellorar a súa seguridade (incrementando a visibilidade ao destacalos con respecto ao resto da calzada) e adaptalos ao cumprimento da normativa sobre accesibilidade, eliminando as barreiras existentes para persoas con mobilidade reducida.

Segundo informou o Concello de Noia, responsábel dos traballos, ambos paso de peóns teñen a característica común de estar en contornas moi transitadas por vehículos e viandantes.