O pasado 16 de decembro a concelleira de Comercio, Laura Salgado, e o presidente de Noia Histórica, José Manuel Martínez Godoy, presentaron a Campaña de Nadal deste ano, presentada baixo o epígrafe Noia Preto de Ti e lanzada pola devandita patronal en colaboración co Concello de Noia.
Segundo fixeron saber, trátase “dunha programación moi diversa na que tamén haberá actividades para os máis cativos, coma o tren que percorrerá as rúas da vila o 23 e o 24 de decembro e o photocall con Papa Noel, o día 24″. Ademais, sortearanse 4.000 euros en premios.
Participan na campaña máis de medio cento de empresas, establecementos onde os clientes terán que pedir as súas rifas.
