Noia inaugurou o seu alumeado de Nadal e o belén animado de Santa María A Nova

Na tarde do pasado 2 de decembro inaugurouse en Noia, oficialmente, o alumeado e a decoración urbana de de Nadal impulsada polo Concello, un engalanamento de rúas e prazas que proseguirá ao longo dos vindeiros días.

Ao acto asistiron o alcalde Santiago Freire algúns dos concelleiros e os rapaces da Asociación Misela.

Ademais, xa se pode visitar en Noia o belén animado da igrexa de Santa María A Nova.

O horario de visitas será de luns a sábado, de 10:30h a 13:30h e de 16:00h a 20:00h. Os domingos poderedes visitalo so en horario de mañá de 11:00h a 14:00h.

Dende o Concello de Noia lanza un convite á cidadanía para visitar e desfrutar “este peculiar, interesante e tradicional nacemento que xa forma parte do Nadal da nosa vila”.