O domingo 12 de decembro celebrouse a cuarta edición da Andaina Solidaria organizada polo Clube Trabandainas e a Asociación Misela, coa colaboración de Gadis e Deportes do Concello de Noia.
Participaron finalmente preto de 530 persoas, que, grazas á súa presenza visualizaron o gran desafío da integración social para as persoas con características diversas ao tempo que optaron a diversos premios polo seu espírito solidario: unha cea para dúas persoas no Restaurante Asador Tío Manolo, unha experiencia gourmet para dúas persoas no Restaurante Fera do Atmos Hotel e unha noite para dúas persoas nas Cabaniñas do Bosque.
As entidades organizadoras agradeceron a implicación de Deportes do Concello de Noia, Gadis, Discoteca Gymare, Cruz Vermella de Noia, Hotel Tío Manolo, Atmos Hotel e Cabaniñas do Bosque. O sorteo celebrarase este martes 14 de decembro ás 12:00 horas a través das redes sociais de Misela.
