Lousame conta xa cun regulamento para a concesión de honras e distincións

20 Decembro 2021

O Concello de Lousame conta dende este 20 de decembro cun regulamento para a concesión de honras e distincións, despois de que non se presentara alegación algunha á súa aprobación inicial en pleno o pasado 24 de setembro e tras a súa publicación (este luns 20) no BOP da Coruña.

“Estes títulos e distincións serán unicamente honoríficos, é dicir, non teñen compensación económica algunha”, explica a alcaldesa de Lousame, Teresa Villaverde, quen salienta que “agora dispoñemos do instrumento axeitado para recoñecer de forma pública a aquelas persoas ou entidades que teñan prestado un gran servizo a Lousame e recoñecer valores como a tolerancia, a liberdade ou o amor a esta terra”.

O Concello de Lousame poderá conceder seis tipos de distincións: fillo/a predilecto/a, fillo/a adoptivo/o, membro honorario, medalla de ouro, nomeamento de praza/rúa ou calquera establecemento, instalación ou servizo dependente do Concello e outras distincións (loito oficial, recoñecemento aos alcaldes/as, medallas aos membros da corporación, distincións protocolarias e libro de rexistro de distincións honoríficas).

De acordo co regulamento aprobado, corresponderalle á alcaldía a presentación das propostas de distincións, xa sexa por propia iniciativa ou a petición: dun terzo dos membros da corporación ou tres asociacións do Concello (cada unha cun mínimo de 25 socios/as). A alcaldía redactará unha proposición na que fará constar os méritos do/a candidato/a, que será sometida a ditame da comisión informativa e á aprobación final do Pleno municipal, coa excepción do nomeamento de praza/rúa ou calquera establecemento, instalación ou servizo dependente do Concello e outras distincións.

Entre os aspectos máis curiosos recollidos neste regulamento figura a posibilidade de que, no caso de falecemento de calquera persoa condecorada ou calquera membro da corporación no exercicio do cargo, o velorio do cadáver poida ser instalado no salón de sesións da Casa do Concello; así como que un fotógrafo ou artista realice un retrato/fotografía dos alcaldes e alcaldesas do municipio, o que se irían incorporando os sucesivos mandatarios no momento da súa toma de posesión.

Outros artigos

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...