Fogo Fatuo celebra o seu Festival de Nadal no Auditorio de Rianxo este 11 de decembro

11 Decembro 2021

A Asociación Fogo Fatuo celebra o seu tradicional Festival de Nadal este sábado 11 de decembro, ás 20.30 horas, na Sala Arcos Moldes do Auditorio de Rianxo.

A reserva de entradas pode facerse dende o 1 de decembro, a través da conta de correo electrónico fogofatuo@fogofatuo.es ​​​​​​​ou no teléfono 663 322 149 (só mensaxes).

Será unha cita para recuperar, con bailes galegos, panxoliñas e traxes tradicionais, un xeito propiamente noso de celebrar o Nadal. A asociación rianxeira Fogo Fatuo porá en xogo a súa longa bagaxe interpretativa e formativa (con cursos e obradoiros para veciñas e veciños de todas as idades) en baile e instrumentos tradicionais galegos.

A asociación leva a cabo diferentes actividades de lecer e culturais en Rianxo tales coma os festivais de nadal e de verán e máis o Serán do Patrocinio no Campo de San Xosé en Rianxiño.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...