Escolares do Colexio Bayón de Ribeira visitaron na mañá deste 2 decembro o Centro Cultural Lustres Rivas para contemplar a exposición sobre as obras seleccionadas da 15ª edición dos Premios de Creación Fotográfica Luis Ksado que promove a Deputación.
Da man do técnico municipal de Cultura Unai González, corenta alumnos de ESO deste centro educativo coñeceron as coleccións que forman parte da mostra, integrada pola obra gañadora (Atrapados ás portas de Europa, de José Manuel López Pérez, que busca mostrar polo miúdo o drama das persoas refuxiadas) e as seis propostas finalistas, captadas por Javier Atienza, Clemente Bernad, Jesús Caballero, Miguel Gómez, Brais Lorenzo e Jesús Madriñán.
A exposición continúa aberta ata o 17 de decembro. Pode verse de luns a venres de 10 a 13 e de 19 a 21 horas e os sábados de 11 a 14 horas.
