Dentro dos actos previstos do 25-N, o Servizo de Deportes do Concello de Rianxo e a Piscina Municipal organizan o vindeiro 27 de novembro unha actividade colectiva, participativa e cidadá: a Andaina Rianxo en Negro. Desenvolverase o sábado 27 a partir das 9 horas.
O percorrido, segundo confirmou o Concello, está aínda en fase de deseño, pero sábese que terá arredor de 15 quilómetros e que será de dificultade media, por camiños de Rianxo, Asados, Isorna e Leiro (pode haber variacións).
As inscricións poderán formalizarse no Servizo de Deportes, nos pavillóns municipais e na Piscina Municipal ata as 14 h. do xoves, 25 de novembro. Será de balde e só poderán participar persoas maiores de 14 anos.
