O BNG de Noia traballará pola recuperación do mural de Nunca Máisna beira ría

Este sábado 13 de novembro cumpríronse 19 anos da desgraza do afundimento do Prestige. A intención do BNG é que o vindeiro ano, cando se cumprirán dúas décadas da catástrofe, a situación do simbólico mural que se atopa na beira da ría non se atope na actual situación.
O mural está hoxe degradado e tapado pola vexetación e por iso os nacionalistas anuncian que traballarán durante o próximo ano para que a situación do mesmo cambie. Deste xeito, a formación fará o necesario para recuperar e posteriormente conservar da emblemática pintura.
Dende o bloque noiés sinalan lembran que desta desgraza emerxeu un movemento de dignidade sen precedentes como foi ‘Nunca Máis’ e que polo tanto é necesario render homenaxe a un episodio histórico para o país e
non permitir o esquecemento do acontecido.
Por iso, o BNG tomará a iniciativa para a recuperación do mural e o seu posterior coidado para que sirva de símbolo e lembranza no futuro duns feitos que nunca deben volver a acontecer.