Nova senda peonil costeira en Noia

O Concello de Noia puxo a disposición da cidadanía a nova senda peonil costeira do termo municipal, que vai dende o final do paseo marítimo local en Abruñeiras até O Talleraco.

Esta actuación, que supón un investimento de preto de 60.000€, por parte de Costas de Galicia e o Concello, será completada coa instalación do alumeado nos vindeiros meses. A nova senda peonil, de 2,5 metros de ancho, inclúe unha área de lecer.

A idea foi prolongar o paseo marítimo de Noia, que se viña interrompendo na zona de Abruñeiras, e darlle continuidade até as proximidades da ponte da variante sobre a ría.