Diego Calvo reuniuse cos populares de Noia e a súa contorna

30 Novembro 2021

O presidente provincial do Partido Popular, Diego Calvo, vén de manter encontros cos alcaldes, voceiros e simpatizantes do partido en Ordes, Boqueixón, Mugardos, Noia, Oleiros, Malpica e Betanzos.

Na xuntanza mantida cos militantes en Noia incidiu nos retos máis importantes que os populares deberán afrontar se se dese o caso dun incremento de votos nas vindeiras citas coas urnas. Un destes retos é “seguir escoitando de preto ás bases do partido para ensanchar unha formación que cómpre facer chegar a todos e cada un dos recunchos dos 93 municipios da provincia”, dixo.

Na reunión, acompañado (como no resto dos encontros) polo secretario xeral provincial, Evaristo Ben, e mais o responsábel de organización, Gonzalo Trenor, Diego Calvo puxo o foco nas municipais do ano 2023, unha cita, dixo, “que pode parecer moi afastada no calendario, pero que, canto a traballo, está xa en marcha”. E engadiu: “Toca poñerse o mono de traballo unha vez máis. Agora é o momento de incidir máis que nunca en estar á beira dos nosos veciños, escoitalos, acercarnos aos seus problemas e tratar de coñecer o que demandan de nós”. A este respecto, recordou que un dos obxectivos do partido é “recuperar o goberno das tres grandes cidades e, ademais, volver á presidencia da Deputación da Coruña”.

Outros artigos

O sábado 27 celébrase en Noia a terceira edición do Bolo Fest

O sábado 27 de xullo o monte do Bolo (Noia) acollerá a terceira edición do Bolo Fest, unha romaría urbana que promete ser unha das grandes citas musicais (e gastronómicas) deste remate de xullo. Actuarán DJ Pichi, Morefortys, The Cods, Sara & Majos, Tano Saníns,...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...