A Asociación Ambar das persoas don diversidade funcional escenificou hoxe venres, 12 de novembro no Coliseo Noela en Noia a acción artística sobre a loita contra a violencia de xénero no rural ‘As paisaxes de Camille’. Esta acción busca apoderar ás mulleres con diversidade funcional a través da expresión artística, explorando a contención, a rabia, a delicadeza e a sororidade, atravesando a imaxinaría escultórica e a vida de Camille Claudel.
A peza está producida por Ambar, conta coa dirección artística da creadora escénica Helena Salgueiro da plataforma ABAR e cun elenco composto integramente por mulleres con diversidade funcional: Noelia Argibay, Ángeles Devesa, Marina Mondelo, Conchita Mouriño, Carmen Pérez, Olaia Pérez, Montse Queiruga e Mercedes Río.
Noia foi a penúltima parada dunha xira que xa pasou pola Rúa, A Estrada, O Pino e finalizará o domingo en Mondoñedo. Nesta entrega asistiron arredor de 50 espectadores, salientando a presenza do Alcalde de Noia e a Concelleira de Servizos Sociais. Ademais de Milagros Rey, presidenta de Ambar e outras representantes da entidades. As persoas asistente recibiron un agasallo personalizado.
A función deu comezo ás 20:40h coa escenificación da peza escénica, de seguido proxectouse un vídeo cos ensaios, entrevistas individuais, motivacións e desenvolvemento conceptual da peza. E pechou ás 21:15h cunha declaracións do elenco e de Zeltia Iglesias, responsable do proxecto e integradora social de Ambar.
Esta acción enmarcase no Pacto do Estado contra a violencia de xénero e está financiada pola Axencia Galega de Desenvolvemento Rural.
Noia foi a penúltima parada dunha xira que xa pasou pola Rúa, A Estrada, O Pino e finalizará o domingo en Mondoñedo. Nesta entrega asistiron arredor de 50 espectadores, salientando a presenza do Alcalde de Noia e a Concelleira de Servizos Sociais. Ademais de Milagros Rey, presidenta de Ambar e outras representantes da entidades. As persoas asistente recibiron un agasallo personalizado.
