As mulleres maiores de 18 anos de Ribeira que estean interesadas xa poden inscribirse nos Cursos de Autodefensa Feminista: unha das iniciativas emprendidas polo Concello con motivo dos actos de conmemoración do 25-N polo Día contra a Violencia de Xénero.
Haberá dúas sesións, ambas no Complexo Polideportivo da Fieiteira: unha o 27 de novembro e outra o 4 de decembro. O horario é de 10 a 14 horas.
Para anotarse cómpre chamar o teléfono 981 874 131 ou mandar un correo electrónico a cim@ribeira.gal.
A actividade está promovida pola Rede Galega de Entidades Locais contra a Violencia de Xénero e impartida por especialistas da Federación Galega de Loita.
