A Praza de Abastos de Noia estrea oficialmente o ascensor que mellora a accesibilidade no inmóbel

Este martes 16 de novembro formalizouse en Noia a sinatura acta de visita de control de investimentos coa axencia AGADER, na Praza de Abastos, polo que o ascensor xa está operativo e listo para o uso da veciñanza.

O servizo, que implicou un investimento de preto de 60.000 euros, permite conectar os dous andares do inmóbel e mellorar a accesibilidade dentro do mesmo.

Segundo informou o Concello, “esta obra forma parte dun conxunto de actuacións máis ambiciosas que se iniciarán nos vindeiros meses e que completarán a remodelación da Praza de Abastos”.