O gravame ao gasóleo suporía un “efecto desequilibrante grave”, segundo formulacións do sector pesqueiro, cuxa actividade veríase seriamente comprometida de se aprobar a proposta de directiva europea para reestruturar, no marco do Pacto Verde europeo, os impostos sobre produtos da enerxía.
A medio prazo poría en risco, amáis, a soberanía alimentaria de España e mesmo de Europa, fronte aos intereses doutras zonas xeográficas, por exemplo a asiática que na actualidade “está inmersa nunha guerra aberta e desleal para acaparar coas súas frotas, en moitos casos ilegais, os recursos mariños”.
Así o manifestou na II Jornada sobre Ecocombustibles, organizada pola Asociación Española de Operadores de Productos Petrolíferos (ASOP) o presidente da Confederación Española de Pesca (Cepesca) Juan Manuel Liria, participante nesa xornada.
A proposta de directiva prevé establecer un imposto ao gasóleo de tres europs por cada cen litros de combustible qa partir de 2023, o que, segundo o sector, impactaría na viabilidade das empresas pesqueiras so supoñer o combustible un promedio do 40% nos custos da súa actividade, “xa de por sí cuns marxes realmente axustados”,. segundo recolle a axencia Europa Press.
O sector puntualiza que este impacto, amáis de aos buques de altura afectaría tamén á baixura, maioritariamente empresas familiares e “verdadeiras espiñas dorsais da cohesión económica e social de moitas zonas costeiras”.
A maiores, segundo o sector, os obxectivos que emprega Euroña para aplicar este imposto xa foron prácticamente acadados pola frota pesqueira europea, e aínda máis pola española.
Con esta medida, Europa tenta reducir o 55% dos niveis de emisión dos gases de efecto invernadoiro da frota comunitaria no ano 2030 con respecto aos da décadqa dos noventa e incentivar a aplicación de melloras na eficiencia enerxética como enerxías alternativas (hidróxeno, gas, electricidade e hibridación).
Sen embargo, para o sector a Co,isión Europea debe ser consciente da redución do 48% da frota pesqueira comunitaria desde os anos 90 (fronte a outros países terceiros que están ampliando as súas frotas exponencialmente) e que as emisións do sector xa se reduciron nun 18% durante os últimos dez anos.
