A firma Guindastres Orbutráns traslada as súas instalacións ao Polígono de Rianxo

09 Novembro 2021

A xerente de Solo Empresarial do Atlántico (SEA), Beatriz Sestayo, asinou este 9 de novembro a venda dunha nova parcela no Polígono Empresarial de Rianxo (A Coruña) coa compañía Guindastres Orbutrans, que se dedica ao transporte de mercadorías por estrada e ao servizo de guindastre. Sestayo, facendo balance, explicou que no que vai de 2021 xa foron adxudicados máis de 18.000 metros cadrados en Rianxo, case un 10% da superficie neta dispoñíbel.

Sinatura do acordo entre a empresa e xerente de SEA Beatriz Sestayo

A empresa Guindastres Orbutráns trasladará a súa actividade a Rianxo (A Coruña) trala adquisición desta parcela, a número 33, cunha superficie total de 3.729 metros cadrados. A compañía, que conta con 13 traballadores, atópase na actualidade situada na zona de Taragoña, no mesmo termo de Rianxo.

Trala sinatura, Beatriz Sestayo puxo en valor a importancia das xestións realizadas nestes dous últimos anos desde SEA para “conseguir non só atraer novos investimentos a Rianxo senón tamén para consolidar emprego e empresas na localidade, achegando solo industrial con seguridade xurídica, urbanizado con todos os servizos necesarios e óptimas condicións para o medre empresarial”. Segundo fixo saber, “é unha zona que consideramos estratéxica para o investimento e que ofrece múltiples posibilidades empresariais”. Tamén explicou que o polígono rianxeiro superou xa o 70% de ocupación e converterase, a curto prazo, nun importante polo de emprego na comarca.

“Só neste 2021 xa foron adxudicados 18.580 metros cadrados de superficie, o que supón preto do 10% da superficie neta total”, dixo, engadindo que “en cifras destaca a venda de dúas parcelas de 11.548 metros cadrados á firma Conservas Cerqueira, referente no sector das conservas en Galicia, que redobrou desta forma a súa aposta por Rianxo, posto que o pasado ano 2020 xa adquiriu 24.896 metros cadrados, por un importe de 1.568.448 euros máis IVE”.

Vista aérea do Polígono de Rianxo

Outros artigos

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...