A carreira Mar de Boiro será o 5 de decembro e xa é posible inscribirse

O Concello de Boiro organiza a 16 edición da carreira popular Mar de Boiro, décimo cuarto Memorial Pepe Buceta. A proba terá lugar o 5 de decembro e o prazo de inscrición estará aberto ata o día 2. Os interesados poden confirmar a súa inscrición na páxina web www.emesports.es.

A carreira está incluída no calendario oficial da Federación Galega de Atletismo e conta con categorías infantís, con distancias curtas, e a xeral, cun trazado de 10 quilómetros que terá a súa saída na rúa Principal.