Na xornada catro chegou o primeiro triunfo para o Puebla, que venceu ao Estudiantil comodamente (3-0). O cadro dirixido por Jesús Mella goleou ao colista da Preferente e puido levarse unha renda moito maior despois do visto sobre A Alta.
Costoulle entrar no partido aos branquiazuis, quen nos primeiros intre se mostraron moi imprecisos en acción relativamente fáciles. Co paso dos minutos comezaron a encontrar seu xogo e on iso as ocasións. Chegada á media hora de partido, Santi adiantou ao Puebla.
Tras o gol os pobrenses melloraron e gañaron en confianza e moral, o que se trasladou ao terreo de xogo en múltiples chegadas perigosas. Nunha delas, Brais Nieto puxo o 2-0 que deixaba sentenciado practicamente o encontro.
Logo do paso polos vestiarios, os de Santiago non mostraron nin un chisco de reacción, e o Puebla gozou de múltiples ocasións durante os segundos 45 minutos. Adao no minuto 77 puxo o definitivo 3-0 nun encontro que os da Alta mereceron gañar máis folgadamente, incluso si cabe.
Con este triunfo o Puebla sitúase na parte media da táboa con 5 puntos. A vindeira xornada visitará ao Laracha.
