A Concellería de Cultura do Concello de Boiro organiza unha nova edición do Boiro Emerxe, un faladoiro de conversas inspiradoras co talento local e que teñen como obxectivo dar a coñecer o potencial creativo da mocidade boirense. Esta segunda edición vai ter lugar o 15 de outubro ás 20.00 horas no local leñaverde do Centro Social de Boiro.
As persoas convidadas nesta segunda edición, e que participarán na mesa de diálogo para contar as súas experiencias emprendedoras van ser Manu Sobral , do grupo The Cuncas; Sara Ollero, de Da Ria Luv; e Mario Brión, youtubeiro en olaxonmario.
A capacidade é limitada e a reserva de entradas pode facerse a través do formulario online habilitado na web municipal. Como na primeira edición o evento vaise retransmitir vía streaming e poderase seguir en directo a través da
canle de YouTube do Concello de Boiro.
