Da man da Asociación Alfaia e a Concellería de Cultura de Ribeira, a rapazada local vai poder celebrar a tope o Samaín esta seguinte finde. En concreto, o domingo 31 de outubro e o luns 1 de novembro celebrarase na carpa multiusos municipal situada a carón do Mercado Municipal un programa de actividades para celebrar o festa deste primeiro de novembro.
A acción arrancará ás 18 horas do domingo cun gran espectáculo de baile a cargo do grupo de Alfaia. Asemade, nesa mesma xornada de 18 a 21 horas e o luns de 12 a 21 horas terá lugar unha exposición de monstros.
O luns haberá tamén obradoiros de maquillaxe de 16 a 20 horas.
A entrada é libre e gratuíta.
