O Concello de Dodro mantén aberto estes días o prazo de inscrición para as Escolas Deportivas

O día 4 de outubro deron comezo as Escolas Deportivas impulsadas polo Concello de Dodro. As disciplinas que se imparten para a nenez son psicomotricidade, multideporte, patinaxe e baile deportivo, para as persoas adultas, ximnasia de mantemento, zumbeando, pilates e ioga. O Concello confirmou este luns 18 que co comezo desta semana xa hai anotadas 110 persoas, quedando aínda prazas libres nas oito disciplinas.

Dende Deportes de Dodro tamén fan saber que “a mellora da situación sanitaria fixo que a demanda deste servizo aumentara con respecto ao ano anterior, e a xente volve a retomar de forma paulatina a súa actividade deportiva, pois nos últimos anos o deporte converteuse nun elemento fundamental de cohesión social e indicador de calidade de vida”.

O prazo de inscrición mantense aberto no teléfono 981 802 532 e no correo electrónico deportes@dodro.gal.