O acto ás vítimas da COVID-19 de mañá sábado en Ribeira, é unha iniciativa exclusivamente da Asociación de Amas de Casa

22 Outubro 2021

A Asociación de Amas de Casa de Ribeira amosa a sua estraneza polo comunicado de “Suma Ribeira” sobre a iniciativa de erixir un monumento na Praza de España que lembre para a posterioridade ás vítimas da pandemia.

Trátase dunha proposta xurdida dende a “Asociación de Amas de Casa ” para cuxa execución conta coa colaboración do Concello e que foi presentada no consistorio local pola presidenta da citada entidade, Puri Cores, e pola primeira tenente de alcalde María Sampedro.

A Asociación non entende que se aproveite un acto dunha iniciativa privada para o que se pediu o apoio institucional, como fan outras moitas entidades, para criticar e usar politicamente unha iniciativa que pretende ser emotiva, solidaria e de recoñecemento público ás vítimas da COVID-19 e ós que o padeceron e padecen as súas secuelas.

ACTO ABERTO
Trátase dun acto aberto o que se invita a toda a cidadanía e que consistirá na inauguración dun monumento este sábado 23 nun acto solemne que principiará ás seis e media da tarde.

Comezará co himno galego e continuará co descubrimento da pertinente placa conmemorativa, unha ofrenda floral, as intervencións por parte das autoridades e un minuto de silencio para concluír cos acordes de “Hallelujah” de Leonard Cohen. O acto, de aproximadamente unha hora de duración no que se aplicarán os protocolos anticovid, está aberto a toda a cidadanía. De feito, tanto Puri Cores como María Sampedro fixeron fincapé en que a xente se anime a acudir a este emotivo acontecemento agora, e en especial os familiares das vítimas.

“É unha homenaxe de todos a todos, unha luz ao final do camiño”, afirmou a presidenta de Amas de Casa, en tanto que María Sampedro afirmou que a iniciativa tamén quere servir para agradecer o labor que na loita contra a pandemia realizaron solidariamente moitísimas persoas e colectivos.

Acto de Presentación da iniciativa do Monumento feito pola presidenta das Amas de Casa de Ribeira,Puri Cores, e pola primeira tenente de alcalde María Sampedro en representación do Concello que apoia a iniciativa

Outros artigos

Publicidade

Revista en papel

Opinión

“El fútbol es algo más” – José Antonio Constenla

“El fútbol es algo más” – José Antonio Constenla

¡Gooool! Ese es el cántico que se ha escuchado prácticamente en todas las calles de España. El “¡Yo soy español, español, español...!” ha retumbado en todos los rincones del país cuando el árbitro señaló el final del partido que nos ha convertido en reyes de Europa. 4...

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...