Malasombra leva a comedia DEP a Lousame

25 Outubro 2021

A Casa da Cultura de Lousame acollerá este domingo 31 de outubro, ás 19:00 horas, a obra de teatro DEP, unha comedia de morte, a cargo de Malasombra Produccións. Segundo fan saber dende o Concello, trátase dun espectáculo totalmente gratuíto pero con aforo limitado, polo que as persoas interesadas en acudir deben reservar a súa entrada en www.bandoticket.com.

Escrita por Pep Antón Gómez e Jordi Sánchez, e dirixida por Marcos Osi, DEP, unha comedia de morte conseguiu o Premio Vigocultura de 2019 e Premio do Público Mostra de Teatro de Malpica 2018. Jouse García e Xoque Carbajal porán en escena a historia dunha nai con moitos anos, enferma pero con moi poucas gañas de morrer, fronte a un elenco de personaxes que deciden “axudala” dándolle “un empuxonciño”. Unha divertida comedia de humor negro.

Esta actuación está organizada polo Concello de Lousame, en colaboración coa Deputación da Coruña, AGADIC e Escena Galega.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...