Este venres 8 de outubro temos unha cita coa narración oral na Biblioteca Pública de Noia. Será da man da editora galega OQO, que representa o conto Coas mans na masa, a través do cal a rapazada terá oportunidade de coñecer de primeira man os mundos da cociña, a plástica e a narración oral, tendo como escusa o proceso de elaboración do pan.
Baseado no álbum María, o espectáculo mostrará todos os segredos para preparar un bo pan e, tamén, da man da súa protagonista, de romper cos estereotipos que a nivel de tarefas e responsabilidades da casa existen.
➡ A actividade realizarase o venres 8 de outubro, ás 18:00 horas na Biblioteca Pública do Concello.
➡ Está indicada para nen@s de 9 a 12 anos. A duración aproximada é de 90 minutos e os cativ@s participarán sen os adultos.
➡ Prazas limitadas: Anotacións no 981-82-41-69.
