Dúas persoas resultaron feridas de carácter leve nun accidente rexistrado á primeira hora da tarde do domingo na estrada provincial DP-1104, que une Boiro e Noia polo Confurco. A colisión aconteceu no quilométrico sete, na zona de Tállara, cando dous turismos chocaron frontolateralmente.
Como consecuencia do accidente os dous ocupantes foron trasladados a un centro sanitario, mentres que unha terceira persoa que viaxaba no outro coche non requiriu asistencia médica. A colisión obrigou a manter cortado un dos carrís de circulación ata que puideron ser retiradosobrifgando a intervir ós bombeiros de Boiro, o GES de Noia, Protección Civil de Lousame e a Garda Civil de Tráfico.
