A sede da Asociación de Empresarios de Ribeira (número 13 da rúa Rosalía de Castro) vai acoller este 21 de outubro unha xornada sobre prevención de riscos laborais para persoas traballadoras de máis de 55 anos. A actividade, que dará comezo ás 20.00 horas, será de balde e aberta para todos os interesados. As inscricións poden facerse a través de www.apegalicia.gal ou mediante o teléfono e o correo electrónico da Asociación de Empresarios de Ribeira (981 873 719 e correo@empresariosriveira.com).
A xornada está destinada a persoas traballadoras autónomas e emprendedoras de máis de 55 anos e pemes con persoal desas características que estean interesadas en coñecer os riscos existentes para o persoal desas características.
Na actividade daranse medidas de seguridade e protección para persoas traballadoras e mostraranse os perigos potenciais de cada sector e as ferramentas de protección específicas para os ditos perfís de idade. Tamén se achegarán detalles sobre a normativa de PRL con respecto a estes colectivos.
A cita está organizada pola Asociación de Pequenas Empresas de Galicia (APE) en colaboración coa Asociación de Empresarios de Ribeira, con financiamento da Xunta de Galicia.
