O venres 24 de setembro celebrouse a clausura do obradoiro de emprego dual Outes-Noia-Lousame 2020, no que participaron un total de 20 alumnos dos devanditos tres concellos, que recibiron formación certificada sobre repoboacións forestais e tratamentos silvícolas.
No acto de remate das actividades interviñeron a concelleira de Emprego do Concello de Noia, Beatriz Rosende, o alcalde de Outes, Manuel González, o tenente de alcalde de Lousame, Ramón Martínez e o xefe de Servizo de Formación e Colocación da Xunta de Galicia, Javier Campa García, quen deron por concluído o curso e fixeron entrega dos certificados a todo o alumnado.
Tamén agradeceron á dirección e ao profesorado, técnicos e persoal municipal implicado neste obradoiro, o seu grande labor e desexáronlle moita sorte ás e aos participantes de cara a súa incorporación ao mundo laboral.
