Unha semana mais tarde do previsto pola toxina máis de 1.500 mariscadores iniciaron na ría de Muros-Noia unha nova campaña marisqueira. Os bos resultados da primeira xornada fan que por parte da confradía se podan repetir os resultados do ano pasado no que se facturaron 12 millóns de euros. Sempre supeditados ós fenómenos naturais.
Se ben a cantidade de berberecho permite facer unha colleita rápida do cupo asinado a ameixa escasea. O berberecho, e de boa calidade.
A campaña iniciouse trala decisión do Instituto Tecnolóxico para o Control do Medio Mariño en Galicia ( Intecmar) de levantar o peche cautelar na ría de Muros- Noia, despois de analizar as mostras tomadas onte e que publicou á primeira hora da mañá, polo que os mariscadores regresarán hoxe ao mar.
As análises dos últimos días mostraron un lixeiro descenso na presenza de marea vermella na maior parte das concesións, excepto no banco da Misela, onde aínda seguía próxima ao límite legal. Os topes de berberecho márcanse en 15 quilos para os produtores de á boia e 10 para os do montón. A ameixa fina, babosa e xapónica teñen fixados cotas de tres quilos para as tres variedade.
