Noia suma máis de 600 domicilios e empresas ás redes avanzadas de R

28 Setembro 2021

A operadora de telecomunicacións R fixo un balance dos traballos despregados no concello de Noia para dotar ás súas vivendas e empresas da súa fibra óptica de nova xeración. Segundo fixo saber, os habitantes dos núcleos da Loxe e de Manle xa dispoñen de accesos ultrarrápidos a Internet de ata 500 Mbps simétricos e poden desfrutar doutros servizos avanzados de telecomunicacións grazas ás redes de nova xeración de R.

O operador galego vén de rematar nestes núcleos parte das tarefas de despregamento da súa rede de fibra óptica, “aproveitando ao máximo as infraestruturas destes lugares noieses”, informa a compañía. Con este novo avance da súa cobertura no concello, engade, “un total 612 novos fogares e negocios destes e doutros núcleos do municipio quedan xa preparados para recibir os servizos avanzados de teléfono, Internet de ata 500 megas simétricos e televisión dixital multicanle de R”.

Amais, tendo só en conta o Plan Avanza, a peche de 2021 a localidade coruñesa contará xa cuns 700 domicilios e empresas con conexión ás súas redes, ademais de en Loxe e Manle, nos núcleos de Pirillueiro, Rasa de arriba, Devesa do Marqués, Couto de Arriba, Xilvir, O Telleiro, Eiroa, Vilanova, Abruñeiras, Fonte Pernal, Pereiro de arriba, a Portela, Balbargos, Rego de hortas e A Chaínza.

A maiores do plan do Ministerio, R leva anos investindo na despregadura de infraestruturas en Noia, onde a día de hoxe xa dispoñen de cobertura das devanditas redes avanzadas arredor de 6.470 inmóbeis, co que o municipio comezará 2.022 cuns 7.140 residencias e negocios conectados.

Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...