Na rúa o número 26 da nosa revista mensual “O Barbanza”

Chega unha nova edición da nosa publicación mensual “O Barbanza”, a 26, un número o de setembro que recolle as derradeiras festas máis sobranceiras e históricas da comarca e de Galicia enteira.

Así O Son celebra as do “O Carme”, Ribeira a súa patroa “Santa Uxía”, Rianxo a tradicional “Guadalupe” e A Pobra “O Nazareno”, iso sen esquecer outras parroquias que tamén se unen neste mes á honrar os seus patróns. 

Repasamos nas nosas páxinas a arquitectura punteira da comarca, viaxamos a Sálvora para recordar os feitos tráxicos do Santa Isabel, publicamos as novidades mais salientables das nosas letras, e recollemos reportaxes sobre aspectos dos concellos da nosa comarca sen esquecer a axenda das festas e actos culturais. Por suposto resumimos aspectos destacados da vida, da economía e das empresas locais.

A pandemia marca sen embargo, as celebracións que en moitos casos verán limitados os seus actos pero que pouco a​ ​pouco van recuperando o pulo á espera da ansiada normalidade.

Isto e moito máis ocupan as páxinas deste número de “O Barbanza” que cunha tirada de 7.000 exemplares está en distribución de balde en toda a comarca podendo amais descargarse en pdf ou leerse en trebellos móbiles.