A organización humanitaria Médicos do Mundo e a Concellería de Servizos Sociais de Ribeira que dirixe a edil Ana Barreiro colaboran na próxima celebración de dúas actividades formativas gratuítas destinadas á poboación inmigrante:
- Dereito á Saúde: vías de acceso para migrantes, enfermidades epidemiolóxicas e prevención–vacinación COVID-19: destinada á poboación inmigrante e emigrante retornada, que se levará a cabo o día 30 de setembro de 10.00 a 13.00 horas na sala do Centro Cultural Lustres Rivas.
- Curso de Esforzo de Integración: destinado a persoas inmigrantes que precisan certificacións para a solicitude do Informe de Esforzo de Integración. Formación en liña a través dunha aplicación de uso sinxelo. 20 horas (do 18 ó 22 de outubro) cos seguintes contidos:
- I: Coñecemento e respecto dos valores constitucionais en España
- II: Valores estatutarios da Comunidade Autónoma de Galicia
- III: Valores da Unión Europea
- IV: Os dereitos humanos
- V: As liberdades públicas
- VI: A democracia
- VII: A tolerancia
- VIII: A igualdade entre mulleres e homes
A inscrición para ambas actividades débese formalizar no departamento de Servizos Sociais Comunitarios situados na praza 8 de marzo (edificio Miradoiro de Padín).
