O Concello de Noia vén de informar dunha nova escalada de vertidos de lixo incontrolados no termo municipal, vertidos que xa están a ser retirados pola Concellería de Medio Ambiente, que denuncia que a aparición destas acumulacións ilegais de refugallos están a ser continuas. Desta volta, foron retiradas moreas de residuos na zonas de Barro, Santa Cristina, San Lázaro e Labarta.
Dende o Concello aproveitaron para “facer un chamamento ao civismo” e pedir á veciñanza “que procure depositar os residuos e enseres de maneira correcta, ou achegalos ao punto limpo do Polígono de Augalevada”. O Goberno local tamén anima á cidadanía a que denuncie a aparición destes vertidos e dea conta dos comportamentos incívicos, co fin de axudar a identificar e sancionar as persoas infractoras.
