Espectacular accidente na zona de Camiño Ancho da Pobra, na estrada que conecta a vía de acceso ao polígono co cemiterio de O Caramiñal.
O suceso tivo lugar sobre as dez da noite deste venres cando o vehículo, un Mercedes CLA vermello, dirixíase en dirección ao centro urbano pobrense por un tramo en costa. Todo apunta a que o exceso de velocidade fixo que o piloto perdera o control do turismo, o que fixo que colisionara contra dous coches que estaban estacionados, e a continuación cun poste de formigón da luz que deixou a piques de caer.
Debido a que o turismo seguiu dando tumbos e chegou a impactar e tirar con outro poste que cae á vía e logo continuou outros 200 metros ata parar finalmente. O condutor puido saír polo seu propio pé do vehículo, pero foi trasladado en ambulancia ata o hospital do Barbanza para que avaliasen o seu estado.
Debido á aparatosidade do accidente toda a estrada quedou sementada de anacos do vehículo, tal co o amosa o video. O coche chegou incluso a perder unha roda de raíz e saltáronlle os airbags. Bombeiros de Ribeira e membros de Protección Civil da Pobra encargáronse de retirar todas as pezas e limpar a vía, unhas tarefas que obrigaron a cortar a estrada ata preto das tres da madrugada. No operativo tamén participaron axentes da Garda Civil de Tráfico e do destacamento de Boiro e da Policía Local da Pobra.
