Dúas persoas resultaron feridas en senllos accidentes rexistrados hoxe con apenas uns minutos de diferenza no centro de Ribeira. O primeiro produciuse a primeira hora da tarde na zona de Abesadas e nel víronse implicados un turismo e unha motocicleta. Os vehículos chocaron no cruzamento entre as rúas Carlos Casares e Constitución. O piloto da moto resultou ferido e foi trasladado ao hospital de Barbanza.
Pouco despois rexistrábase un novo accidente de tráfico na contorna da praza do Concello. Un home que cruzaba a rúa nas inmediacións da sede do GAEM resultou ferido ao atropelalo un turismo. A vítima era un home de 59 anos que tamén necesitou asistencia sanitaria e foi levado o hospital comarcal.
Nos dous accidentees interviron efectivos do GAEM e axentes da Policía Local.
