O candidato a presidir a dirección do Partido Popular da Provincia da Coruña, Diego Calvo, presentou este 7 de setembro Noia as bases do que será o seu proxecto político para liderar a formación popular durante os próximos anos.
O acto encadrouse nunha xira polos concellos iniciada a semana pasada e que se prolongará até o 13 de setembro. No seu percorrido estase a reunir con con alcaldes, portavoces e simpatizantes da súa formación para facerlles chegar o que será o seu proxecto á fronte do partido.
O Congreso Provincial celebrarase na Coruña o 25 de setembro.
Con estes encontros, o dirixente popular pretende reforzar o contacto directo e estreito coas bases do seu partido para, en primeiro lugar, agradecer o apoio recibido a través dos avais á súa candidatura e, en segundo lugar, establecer as liñas mestras coas que os populares deberán facer fronte aos importantes retos dos próximos meses.
En Noia, Calvo salientou a importancia de que a súa formación “poida afrontar a cita electoral local mellor preparada que nunca” para, entre outras cousas, “recuperar os gobernos das tres grandes cidades da provincia, A Coruña, Santiago e Ferrol, e, ademais incremente o seu peso provincial para acceder á presidencia da Deputación da Coruña”.
