Reciben a alta os sobreviventes do accidente de Muros no que morreron dous mozos


O tráxico accidente ocorrido a madrugada do sábado, no que os veciños de Outes David Perol Iglesias e Nelson Castro perderon a vida ao caer ao mar no porto de Muros o coche no que viaxaban, levou ao Concello de Outes a suspender os actos lúdicos previstos en sinal de duelo. Así mesmo, a corporación expresou as súas condolencias a familiares e amigos.

Os restos mortais de David Perol de 19 anos, recibiron sepultura esta mañá na igrexa parroquial de San Lourenzo de Matasueiro, tras ser velados no tanatorio de Pompas Fúnebres en Outes. Nelson Castro de 29 anos, será incinerado mañá nun acto familiar.

Os dous sobrevivintes do accidente, Breno dos Santos e Manuel Tajes recibiron a alta no Clínico de Santiago ao que foron trasladados nunha ambulancia tras ser rescatados con síntomas de hipotermia.