O comercio de Noia celebra esta finde unha nova edición do Super Ofertón con importantes descontos

Esta semana, o mércores 11, presentouse en Noia unha nova campaña de Noia Histórica para revitalizar e reivindicar o sector do comercio local logo dos reveses económicos e sociais da pandemia. Trátase da novena edición do Super Ofertón.

Na cita participou Pablo Hermo, da directiva da asociación, e a concelleira de Comercio, Laura Salgado. Segundo fixeron saber, un total de 27 establecementos asociados ofrecerán durante esta fin de semana (do 13 ao 15 de agosto) descontos de ata o 80%.

Poderemos atopar importantes oportunidades en materia de moda, calzado, complementos, xoiería, decoración, deportes, etc. O horario dos establecementos será o habitual da súa actividade.