Esta semana, o martes 24, a concelleira de Deportes, Laura Salgado, xunto a Severino Barreiro e Javier Barreiro, presidente e director xeral do Noia Portus Apostoli FS, e José Tirado, xerente do Palma Futsal, presentaron no Consistorio os detalles do Torneo Internacional Portus Apostoli-Umbro.
Durante esta fin de semana, a vila de Noia será o gran referente do mellor fútbol sala, en parte polo talento local e en parte tamén pola expectación que xerarán as visitas do Palma, un dos mellores equipos de España, así como de O Braga, un dos equipos punteiros en Portugal.
O venres ás 20:00h abrirán o torneo o Noia e o Palma.
O sábado ás 19:00h será a quenda do Palma e o Braga.
Para rematar, o domingo ás 20:00h pechará esta edición do torneo o encontro entre o Noia e o Braga.
Para adquirir as entradas, dende as redes sociais do Noia Portus Apostoli FS irán achegando estes días toda a información ao respecto.
