Este xoves segue a vacinación na comarca. Galicia pide implementar o certificado dixital cando se supere o 70% estatal

Continúa a vacinación fronte á Covid-19 na Área de Santiago de Compostela e Barbanza coa citación de máis de 7.000 persoas este xoves 26:

Hospital da Barbanza: 600 (1dose 14 a 16 anos) máis 30 vacinas a outros colectivos.

Cidade da Cultura:máis de 6.300: 3.320 (2dose de 20 a 29) e -pola tarde 3.000 (1dose 14 a 16 anos).

Hospital Clínico de Santiago: 90 citados de diversos colectivos.

A participación na vacinación masiva na Cidade da Cultura en Santiago deste mércores foi do 81,65%.

Por outra banda rematou o Consello Interterritorial.

O conselleiro lembroulle á ministra o propósito do Goberno central de implementar o uso, mais alô das viaxes internacionais, do certificado dixital de vacinación unha vez se acadadara o 70% da población vacinada.
Ademais, García Comesaña solicitou, xunto con outros conselleiros, unha reunión monográfica sobre Atención Primaria: “Urxe unha reunión porque é unha prioridade para Galicia que o Ministerio revise os criterios de acreditacións das unidades de docencia para ter a oportunidade de formar mais especialistas de médicos de Familia e Comunitaria. Pedimos, unha vez máis ao Ministerio de Sanidade novas unidades, dada a carencia de profesionais en Atención Primaria, un problema que afecta a todo o país”.