A Parroquia de Santa Uxía, en colaboración coa Asociación Alfaia e o Concello de Ribeira, vai celebrar este sábado 14 de agosto a tradicional misa na honra da Virxe do Carme.
A celebración desenvolverase a partir das 19 horas dentro na explanada portuaria á altura do emprazamento de Correos, e baixo estrito cumprimento das medidas COVID. Contará coa participación da Coral Polifónica Municipal de Ribeira e da Banda de Música do Cristo da Boa Morte de Ferrol.
Contará coa presenza entre outros da conselleira do Mar, Rosa Quintana, e do alcalde Manuel Ruiz.
