Este domingo 15 de agosto, con saída ás 10.30 horas e control ás 10.00, celebrarase en augas de Noia e Outes a dezanove edición da Travesía Solidaria a Nado entre Testal e O Freixo, unha iniciativa deportiva e social a prol da integración dos colectivos con diversidades funcionais ou cognitivas e a prol da promoción do deporte adaptado.
O evento foi presentado esta semana nos seus detalles pola concelleira de Deportes, Laura Salgado, xunto ao presidente do Club Adeco-Dea, Pepe Barrio.
Este ano celebrarase a XIX edición, como cada ano non é unha proba competitiva, tratase dunha xornada de promoción do deporte no colectivo de persoas con discapacidade e o fomento da integración e a inclusión a través da actividade deportiva.
