En Ribeira detidos tres mozos por agredir a catro policías locais nunha festa nun baixo

29 Agosto 2021


Dous axentes e dous auxiliares da Policía Local de Ribeira resultaron feridos tras acudir a atender os diversos avisos recibidos ao redor das catro menos dez da pasada madrugada polos ruídos dunha festa nun baixo na Rúa Churriana, no centro urbano ribeirense, segundo informa o Diario de Arousa.

Cando chegaron ao lugar as dúas patrullas policiais, chamaron á porta e abriulles J.V. C., de 23 anos, ao que lle preguntaron quen era o responsable, respondendo que era el. Os policías pedíronlle que se identificase, ao que se negou, e ao preguntarlle por cantas persoas había na festa lles replicó que entrasen e comprobáseno eles mesmos.

Ao acceder ao interior do baixo, os axentes e auxiliares foron recibidos con insultos e improperios por parte dos participantes na festa. A continuación, entre o referido J.V. C. e outro mozo, J. R.S., de 24 anos, empezaron a darlles patadas e empuxóns. Unha vez que estes últimos estaban fóra do baixo, a noiva dun deses dous individuos golpeou a unha auxiliar.

Entre os tres novos causáronlles lesións, negróns e contusións aos catro efectivos policiais, tres dos cales tiveron que ser atendidos no Hospital do Barbanza.

A Policía Local, que solicitou o apoio da comisaría do Corpo Nacional de Policía, procedeu á detención e traslado aos calabozos de J.V. C. e J. R.S. polos delitos de agresión e atentado á autoridade, e este mediodía xa logrou identificar e arrestar á nova, que resultou ser N. B. C., de 20 anos. Agora espérase que os tres pasen mañá ao dispor da autoridade xudicial.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...