En Noia comezaron as obras para a renovación do pavimento no Corral de Ousoño

O Concello de Noia informou do inicio das obras destinadas á renovación do pavimento en Corral de Ousoño. Os traballos consisten na limpeza da actual da rúa, na regularización do firme, no pavimentado con aglomerado e no pintado das marcas viarias.


Esta actuación vén cun investimento de 50.000€ que se suman aos 100.000€ mobilizados recentemente no mesmo lugar para obras de saneamento, recollida de augas pluviais e fornecemento de empedrado (adoquinado) .